„რეგიონებში განსახორციელებელი პროექტების ფონდისა და ოზურგეთის მერიის ფინანსური მხარდაჭერით, ოზურგეთში საჭიდაო დარბაზ „ამირანის” რეაბილიტაცია მიმდინარეობს,” – ინფორმაციას ფეისბუქზე ოზურგეთის მუნიციპალიტეტის მერია ავრცელებს.
„პროექტის ფარგლებში დაგეგმილია დარბაზის შიდა სივრცეების კეთილმოწყობა და არსებული ინფრასტრუქტურის თანამედროვე სტანდარტებთან შესაბამისობაში მოყვანა. ეს სპორტსმენების სავარჯიშო პირობებს მნიშვნელოვნად გააუმჯობესებს. სარეაბილიტაციო სამუშაოებზე საერთო ჯამში 588 885 ლარი დაიხარჯება.” – აღნიშნულია მერიის მიერ გავრცელებულ ინფორმაციაში.
საჭიდაო დარბაზი „ამირანის” ბოლო სარეაბილიტაციო სამუშაოები 2019 წელს ჩატარდა. როგორც ჩვენთვის არის ცნობილი ადგილობრივი ბიუჯეტიდან 77 500 ლარი იყო გამოყოფილი.
The post ოზურგეთში საჭიდაო დარბაზ „ამირანის” რეაბილიტაციისთვის 588 885 ლარი დაიხარჯება appeared first on გურია ნიუსი.