ნეპალში მასშტაბური წყალდიდობის შედეგად ასეულობით ადამიანია უგზო-უკვლოდ დაკარგული

უეცარმა მასშტაბურმა წყალდიდობამ ტიბეტისა და ნეპალის სასაზღვრო ოლქები დააზარალა. მისი მიზეზი გახდა მცირე მიწისძვრა, რომელიც დაახლოებით დილის ცხრის ნახევარზე მოხდა. მიწისძვრამ გამოიწვია მეწყერი, რომელიც მთებიდან ჩამოწვა და მდინარეების – ტრიშულის, ბჰოტე-კოსისა და ნარაიანის – კალაპოტები ჩახერგა. მდინარეები ნაპირებიდან გადმოვიდა და ლაფსა და ქვებთან შერეულმა წყალმა სანაპირო რაიონები დატბორა. მოვლენების ადგილიდან გავრცელებულ შემოწმებულ ვიდეოებში ჩანს, თუ როგორ იტაცებს წყლისა და ტალახის ნაკადი...