ცნობა„რუსეთს არ მიუცია უკრაინის პრეზიდენტ ვოლოდიმირ ზელენსკისთვის ორთვიანი ვადა იმისთვის, რომ მან დონბასიდან ჯარები გაიყვანოს“, _ განაცხადა რუსეთის პრეზიდენტ ვლადიმერ პუტინის პრესმდივანმა დიმიტრი პესკოვმა, _ იუწყება vedomosti.ru.
„ზელენსკიმ დღესვე უნდა მიიღოს გადაწყვეტილება, რომ უკრაინის ჯარებმა დატოვონ დონბასის ტერიტორია და გავიდნენ დონეცკის სახალხო რესპუბლიკის ადმინისტრაციული საზღვრების გარეთ“, _ თქვა პესკოვმა.
რამდენიმე ხნის წინ, ზელენსკიმ განაცხადა, რომ დონბასიდან ჯარების გაყვანისთვის მოსკოვმა მას ორთვიანი ვადა მისცა. ზელენსკის თქმით, მოსკოვი კიევს მსგავს სიგნალებს ვაშინგტონის მეშვეობით გადასცემს.
რუსეთის თავდაცვის სამინისტრომ 1 აპრილს განაცხადა, რომ ლუგანსკის სახალხო რესპუბლიკის მთლიან ტერიტორიაზე კონტროლი დაამყარა.
The post კრემლი: „ზელენსკიმ დონბასიდან ჯარების გაყვანის ბრძანება დღესვე უნდა გასცეს“ appeared first on გურია ნიუსი.