“მოგვიწევს რუსეთის პრეზიდენტთან მოლაპარაკების მაგიდასთან დაჯდომა”- მადიარი

საპარლამენტო არჩევნებში გამარჯვებული ოპოზიციური პარტია “ტისას” (Tisza) ლიდერმა პეტერ მადიარმა განაცხადა, რომ ახალი მთავრობა რუსეთის პრეზიდენტ ვლადიმერ პუტინთან მოლაპარაკებებს გამართავს. “ჩვენ მოგვიწევს რუსეთის პრეზიდენტთან მოლაპარაკების მაგიდასთან დაჯდომა. არც რუსეთის და არც უნგრეთის გეოგრაფიული მდებარეობა არ შეიცვლება. ჩვენი ენერგოდამოკიდებულებაც გარკვეული დროის განმავლობაში შენარჩუნდება. ენერგომომარაგების დივერსიფიკაცია უნდა გაძლიერდეს, მაგრამ ეს მყისიერად არ მოხდება. საჭიროების შემთხვევაში, ვაწარმოებთ მოლაპარაკებებს, მაგრამ არ გავხდებით მეგობრები”, – აღნიშნა მადიარმა. ამ განცხადებით პოლიტიკოსი მოქმედი პრემიერ-მინისტრის ვიქტორ ორბანის სიტყვებს გამოეხმაურა. ორბანმა განაცხადა, რომ არჩევნებში გამარჯვების შემთხვევაში, “ტისა” “პროუკრაინულ მთავრობას შექმნიდა” და პირობა დადო, რომ მოსკოვთან მათ მოლაპარაკებებს დააკვირდებოდა. The post “მოგვიწევს რუსეთის პრეზიდენტთან მოლაპარაკების მაგიდასთან დაჯდომა”- მადიარი appeared first on მედიაცენტრი მთავარი - MTAVARI.