დროებით ოკუპირებული ყირიმის მთელ ტერიტორიაზე A-95 მარკის ბენზინის გაყიდვა შეიზღუდა – ერთ ადამიანზე დღე-ღამეში მაქსიმუმ 20 ლიტრი.
ამის შესახებ ანექსირებული ყირიმის ხელმძღვანელმა სერგეი აქსიონოვმა Telegram-ზე განაცხადა. მან ასევე მოუწოდა ყირიმელებს, არ მოიმარაგონ ბენზინი წინასწარ და ჩვეულებრივ რეჟიმში გააგრძელონ ავტომობილების საწვავით გამართვა. შეზღუდვები ძალაში შევა შაბათს, 30 მაისს, დილის 09:00 საათიდან.