საქართველოს მინიფეხბურთის ნაკრები ევროპის ჩემპიონატის მეოთხედფინალში გავიდა

ბრატისლავაში მიმდინარე მინიფეხბურთის ევროპის ჩემპიონატის მერვედფინალში საქართველოს ნაკრებმა პოლონეთი დაამარცხა. მატჩი 1:1 დასრულდა, პენალტების სერიაში კი ბესარიონ არველაძის გუნდმა 2:1 მოიგო. ჯგუფურ ეტაპზე საქართველოს ნაკრებმა ინგლისს 1:0 სძლია, ესპანეთს ფრედ ეთამაშა (0:0), ხოლო რუმინეთთან 0:3 წააგო. 2 ივნისს, მეოთხედფინალში ჩვენი გუნდი უკრაინას შეხვდება.