შობის დღესასწაულზე ქალაქი კომუნისტების სათარეშო გახდა. ვითომდა სარწმუნოების საწინააღმდეგო დემონსტრაცია მოაწყვეს, რამოდენიმე ეკლესიაში შეცვივდნენ და მლოცველები და მღვდლები შეურაცყვეს.
ზოგან კიდეც სცემეს. სამხედრო სობოროში ძალით შევიდნენ და სათამაშო კლუბათ გადააქციეს. ამას ის შედეგი მოყვა, რომ ეკლესიები სავსე იყო მლოცველებით.
შობის მეორე დღეს კომსომოლისტები შეცვივდნენ რამდენიმე ქართულ სასწავლებელში, სადაც მოწაფეთა სალიტერატურო საღამოები იყო გამართული. მოახდინეს დებოში.
სცემეს დამსწრეებს და საღამოები ჩაშალეს. ქალთა პირველ გიმნაზიაში სასტიკათ სცემეს დირექტორს არკ. ჩხენკელს, რადგან მან წესიერებისკენ მოუწოდა. მილიცია და საერთოდ ხელისუფლება ხელს უწყობდა ამ ცემა-ტყეპას.
დააპატიმრეს საკათალიკოსო საბჭოს წევრები, მღვდლები: ცინცაძე, თოთიბაძე და სხ. თვით კათალიკოსი მხოლოდ გაჩხრიკეს.
როგორც გადმოგვცემენ, ეს გამოწვეულია იმით, რომ სამხედრო სობოროს კლიტეები ნებით არ გადასცეს „კომსომოლისტებს“.
„ჩვენი ერთობა“, იანვარი, 1923 წელი
The post „კომსომოლისტების“ თარეში თბილისში appeared first on გურია ნიუსი.