ჩინეთის საგარეო საქმეთა მინისტრმა უკრაინელი კოლეგა ჩინეთში მიიწვია

უკრაინის საგარეო საქმეთა სამინისტროს განცხადებით, ჩინეთის საგარეო საქმეთა მინისტრმა, ვან იმ უკრაინელი კოლეგა, ანდრეი სიბიგა ჩინეთში მიიწვია და ახლა ვიზიტის შესაძლო ვადები განიხილება. „უკრაინა დაინტერესებულია ჩინეთთან ორმხრივი კონტაქტების გააქტიურებაში, კერძოდ კი უმაღლეს დონეზე. მინისტრ ვან ისთან მოლაპარაკებების დროს ჩინეთის სახალხო რესპუბლიკას ცეცხლის შეწყვეტის მხარდაჭერისკენ მოვუწოდე, ვინაიდან ეს შეესაბამება ჩინეთის პრინციპებს ამ ომის დასრულებასთან დაკავშირებით. მივესალმებით ჩინეთის მზაობას უფრო აქტიური როლი ითამაშოს მშვიდობის მიღწევაში“, – განაცხადა სიბიგამ. The post ჩინეთის საგარეო საქმეთა მინისტრმა უკრაინელი კოლეგა ჩინეთში მიიწვია appeared first on მედიაცენტრი მთავარი - MTAVARI.