თბილისში, მშენებარე ობიექტიდან მუშა გადმოვარდა და დაიღუპა

თბილისში, ალექსანდრე ჭავჭავაძის ქუჩაზე მშენებარე ობიექტიდან მუშა გადმოვარდა და დაიღუპა. კაცი 40 წლამდე ასაკის იყო. შინაგან საქმეთა სამინისტროში „ნეტგაზეთს“ უთხრეს, რომ მომხდარზე გამოძიება სისხლის სამართლის კოდექსის 240-ე მუხლით დაიწყო, რაც სამთო, სამშენებლო ან სხვა სამუშაოების წარმოებისას უსაფრთხოების წესის დარღვევას გულისხმობს. მომხდართან დაკავშირებით დამატებითი დეტალები ჯერჯერობით უცნობია. The post თბილისში, მშენებარე ობიექტიდან მუშა გადმოვარდა და დაიღუპა appeared first on Netgazeti.