ნეპალში წყალდიდობას 900-ზე მეტი ადამიანი ემსხვერპლა

ნეპალსა და ტიბეტში მომხდარი მასშტაბური წყალდიდობის შედეგად დაღუპულთა და დაკარგულთა რაოდენობა კვლავ იზრდება. ბოლო მონაცემებით, ნეპალში სულ მცირე 903 ადამიანი გარდაიცვალა, ხოლო 4 200-ზე მეტი დაკარგულად ითვლება. ტიბეტში კატასტროფას 16 ადამიანი ემსხვერპლა, 546 პირის ადგილსამყოფელი კი უცნობია. დაკარგულებს შორის ასობით ადგილობრივი ჰიდროელექტროსადგურის თანამშრომელია. მაშველები, მათ შორის ჩინელი და ინდოელი ექსპერტები, Trishuli-3A-ის ჰესის გვირაბებში ჩარჩენილებთან დაკავშირებას ცდილობენ, საიდანაც სიგნალი ჯერ არ შესულა. პარალელურად, წყლის მიერ გამორიყული ამოუცნობი ცხედრების დაკრძალვა მიმდინარეობს. The post ნეპალში წყალდიდობას 900-ზე მეტი ადამიანი ემსხვერპლა appeared first on მედიაცენტრი მთავარი - MTAVARI.