knews.ge
10 ოქტომბერს თელავში ევროპის დღე გაიმართება
10 ოქტომბერს ევროკავშირის წევრი ქვეყნების საელჩოები კახეთს ეწვევიან.
რა დაგხვდებათ ევროპის დღეზე და რატომ ღირს 10 ოქტომბერს კისისხევში მისვლა? 10 ოქტომბერს კახეთი ევროპის დღეს უმასპინძლებს — ღონისძიება სოფელ კისისხევში, მეღვინეობა „მოსმიერში“, 12:00-დან 17:00 საათამდე გაიმართება. დასწრება თავისუფალია.
„აღმოაჩინე ევროპა კახეთის გულში“ — ამ გზავნილით ევროპის დღე წელს კახურ და ევროპულ კულტურას, ტრადიციებს, გემოებს, მუსიკასა და საინტერესო ისტორიებს გააერთიანებს.
ორგანიზატორების განცხადებით, სტუმრებს მრავალფეროვანი პროგრამა ელოდებათ: ქართულ-ევროპული სუფრა, ევროკავშირის წევრი ქვეყნების საელჩოების კულტურული და გასტრონომიული სივრცეები, ევროკავშირის პროექტების ინტერაქციული აქტივობები, ქვიზები და თამაშები, კახური მრავალხმიანობა და ევროპული ცეკვები, VR მოგზაურობა ევროპის ქალაქებში, ველოტური, ფოტოგრაფიის ვორქშოპი, „მწვანე კუთხე“, სამაგიდო თამაშები და თეატრალური წარმოდგენა. ევროპული გასტრონომია, ინტერაქციული, კულტურული აქტივობები, ქვიზები, თამაშები და საინტერესო ისტორიები გელოდებათ.
ღონისძიების ერთ-ერთი გამორჩეული ნაწილი იქნება ქართულ-ევროპული სუფრა, რომლის კურატორია შეფ-მზარეული თეკუნა გაჩეჩილაძე. პროგრამაში ასევეა Wine Art-ის მასტერკლასი და ღვინის ინტერაქციული დეგუსტაცია.
ადგილი: სოფელი კისისხევი, მეღვინეობა „მოსმიერი“
თარიღი: 10 ოქტომბერი
დრო: 12:00–17:00
დასწრება თავისუფალია „კახეთის ხმა“ ევროპის დღის შესახებ დეტალურ ინფორმაციასა და სიახლეებს ეტაპობრივად შემოგთავაზებთ.
ღონისძიების გვერდი: https://www.facebook.com/share/19nopQauoz/
ვებგვერდი: https://eu4georgia.info/46kOyGS
The post 10 ოქტომბერს თელავში ევროპის დღე გაიმართება appeared first on knews.ge.