სააგენტო "პარალელი"
“ყველაფერი საბოლოდ გაირკვა: ნამახვანის საქმეზე 443 მილიონი დოლარის გადახდა მოუწევს ქვეყანას და დამატებით კიდევ ყოველდღიური ჯარიმების გადახდა კომპენსაციის სრულ დაფარვამდე” – რომან გოცირიძე
ნამახვანის საქმესთან დაკავშირებით პარლამენტის ყოფილი დეპუტატი, საქართველოს ეროვნული ბანკის ყოფილი პრეზიდენტი, ეკონომისტი რომან გოცირიძე მძიმე შეფასება-განმარტებებს აკეთებს კონკრეტულ ფაქტებზე მითითებით:
“ყველაფერი საბოლოდ გაირკვა: ნამახვანის საქმეზე 443 მილიონი დოლარის გადახდა მოუწევს ქვეყანას და დამატებით კიდევ ყოველდღიური ჯარიმების გადახდა კომპენსაციის სრულ დაფარვამდე.
ეს გადაწყვეტილება უსამართლოა – თურქულ კომპანია “ენკას” ამდენი არ ეკუთვნის.
“ქართულმა ოცნებამ” მისი მმართველობის პერიოდში ასეულ მილიონობით ლარი დახარჯა უცხოელი ადვოკატების მომსახურებაზე. უნდა ვივარაუდოთ, რომ აქაც “ატკატები” იყო და საქმეს წესიერად არ უდგებოდნენ. როცა კორუფცია ყველა სფეროსაა მოდებული, რატომ იქნებოდა ეს სფერო გამონაკლისი? მარტო “როტშილდების” მაგალითი რადა ღირს, როცა ბიუჯეტიდან 10 მილიონი ლარი ისე წაიღეს, რომ მათი გაკეთებული 1 ლარის საქმეც კი არ იძებნება. “იმედიდან” წასულ რუხაძეს “გულწრფელ” ინტერვიუში წამოსცდა, რომ “როტშილდები” ცემენტის ქარხნების გაყიდვაში გვეხმარებოდნენო. რა გამოდის-დაიქირავა მთავრობამ, გადაუხადა მილიონები და თურმე ივანიშვილ-რუხაძის კომპანიაზე მუშაობდნენ.
ნამახვანის კოლოსალური ზიანი რეაგირების გარეშე არ დარჩება მომავალში. 443 წელს “გამოიმუშავებენ” ამ საქმეში დამნაშავეები. ბევრია? სულაც არა-ათ-ათი წელი მოუწევს 44 კაცს. ათ წელიწადს ახლა მოგონილი საქმეებისთვის უსჯიან ხალხს და რა გასაკვირია, თუ რეალური მავნებლობისთვის პასუხისგება მოუწევთ?!” – წერს რომან გოცირიძე სოციალურ ქსელში.
“ყველაფერი საბოლოდ გაირკვა: ნამახვანის საქმეზე 443 მილიონი დოლარის გადახდა მოუწევს ქვეყანას და დამატებით კიდევ ყოველდღიური ჯარიმების გადახდა კომპენსაციის სრულ დაფარვამდე” – რომან გოცირიძე
პარალელი