“სომხეთსა და რუსეთს შორის ურთიერთობები კითხვის ნიშნის ქვეშ არასდროს დადგება”- ფაშინიანი

სომხეთსა და რუსეთს შორის ურთიერთობები ერევნის ევროკავშირთან თანამშრომლობის გამო კითხვის ნიშნის ქვეშ არასდროს დადგება. ამის შესახებ სომხეთის პრემიერ-მინისტრმა, ნიკოლ ფაშინიანმა რუსეთის პრეზიდენტ ვლადიმერ პუტინთან შეხვედრის დროს განაცხადა. „ამ კონტექსტში, ჩვენი ურთიერთობები რუსეთის ფედერაციასთან არასდროს ყოფილა და არც არასდროს დადგება კითხვის ნიშნის ქვეშ, რადგან, როგორც უკვე ვთქვი, ეს კავშირები და ურთიერთობები ძალიან ღრმაა და განხილვას არ ექვემდებარება“, – განაცხადა სომხეთის პრემიერ-მინისტრმა. სომხეთის პრემიერმა რუსეთს სამშვიდობო პროცესში მხარდაჭერისთვის მადლობა კიდევ ერთხელ გადაუხადა. The post “სომხეთსა და რუსეთს შორის ურთიერთობები კითხვის ნიშნის ქვეშ არასდროს დადგება”- ფაშინიანი appeared first on მედიაცენტრი მთავარი - MTAVARI.