“ლოყააწითლებულებს ახლა სხვა რამეს აუწითლებენ, ვატყობ: ბევრი წყაროს ცნობით, კორუფციაზე დაჭერას უპირებენ ბესელიას და დგებუაძეს. სამსახურიდან უკვე გაუშვეს ბესელია და პროკურატურაში დაკითხვაზეც იბარებენ. დგებუაძეს ყველაფერი წინ აქვს.” – წერს კოალიცია ცვლილებისთვის ერთ-ერთი ლიდერი, ნიკა გვარამია სოციალურ ქსელში.
ცნობისთვის, აჭარის პოლიციის დეპარტამენტის ყოფილი დირექტორი, გრიგოლ ბესელია, რომელიც 2025 წლის მაისში ცენტრალური კრიმინალური პოლიციის დეპარტამენტის დირექტორის, მოადგილედ დაინიშნა შსს-ში აღარ მუშაობს. ინფორმაცია ტაბულას უწყების პრესსამსახურმა დაუდასტურა. დამატებით დეტალებზე კომენტარს ამ ეტაპზე არ აკეთებენ.3 აპრილს, ბათუმელებმა გაავრცელა ცნობა, რომ მათი ინფორმაციით, გრიგოლ ბესელია შსს-დან კორუფციის გამო გაუშვეს.
“პროკურატურას გრიგოლ ბესელიასთან კითხვები აქვს კორუფციის საქმეზე. პროკურატურის პრესცენტრში შეკითხვას გრიგოლ ბესელიასთან დაკავშირებით არ უპასუხეს” – წერს ბათუმელები