სააგენტო "პარალელი"
“საქართველოში არსებობს ერთადერთი ძალა, რომელიც ხელოვნურად გვათითოკაცებს და გვაპირისპირებს” – გიორგი ვაშაძე
“ალიანსის” ერთ-ერთმა ლიდერმა, “სტრატეგია აღმაშენებლის” თავმჯდომარემ, გიორგი ვაშაძემ რუსთაველის გამზირზე 9 აპრილს დაღუპულთა ხსოვნას პატივი მიაგო.
მედიასთან კომენტარში, ოპოზიციონერმა ლიდერმა, აღნიშნა, რომ საზოგადოებას ერთმანეთთან გასაყოფი არაფერი გვაქვს:
“გაუმარჯოს დამოუკიდებელ საქართველოს! აი, ეს არის ნამდვილად 9 აპრილი.
საქართველოში არსებობს ერთადერთი ძალა, რომელიც ხელოვნურად გვათითოკაცებს და გვაპირისპირებს, მისი სახელი ყველამ ძალიან კარგად ვიცით. დანარჩენ საზოგადოებას, ჩვენ გასაყოფი არაფერი გვაქვს.
თუ ეს ადამიანები კარგად ჩაიხედავენ საკუთარ თავში, ჩაუფიქრდებიან იმ ქმედებებს, რასაც აკეთებენ ქართველი ხალხისა და საზოგადოების წინაშე, მე დარწმუნებული ვარ, ისინიც დაინახავენ სიმართლეს, მაგრამ მათ ეს არ უნდათ…“, – განაცხადა გიორგი ვაშაძემ.
“საქართველოში არსებობს ერთადერთი ძალა, რომელიც ხელოვნურად გვათითოკაცებს და გვაპირისპირებს” – გიორგი ვაშაძე
პარალელი