სომხეთის რესპუბლიკა „ტრამპის მარშრუტის“ პროექტის განხორციელების ფაზაში შედის – ფაშინიანი

სომხეთის რესპუბლიკა „ტრამპის მარშრუტის“ პროექტის განხორციელების ფაზაში შედის – აღნიშნულის შესახებ სომხეთის პრემიერ-მინისტრმა, ნიკოლ ფაშინიანმა ეროვნული ასამბლეის სხდომაზე განაცხადა. “მოხარული ვართ აღვნიშნოთ, რომ რთული საერთაშორისო ვითარების მიუხედავად, ამერიკის შეერთებული შტატების, სომხეთის რესპუბლიკისა და აზერბაიჯანის რესპუბლიკის მთავრობები კვლავ პრიორიტეტს ანიჭებენ რეგიონული კომუნიკაციების აღდგენას და „ტრამპის მარშრუტის“ პროექტის განხორციელებას“, – აღნიშნა ფაშინიანმა.