ქვემო ქართლის სახელმწიფო რწმუნებულმა ილია ჯალაღანიამ „ახალგაზრდული ოლიმპიური ფესტივალის“ ფარგლებში დაგეგმილ ღონისძიებებთან დაკავშირებით სამუშაო შეხვედრა გამართა.
შეხვედრაზე განიხილეს საორგანიზაციო და ტექნიკური საკითხები, აქტივობების განრიგი და კოორდინირებული მუშაობის მნიშვნელობა, რათა მონაწილე გუნდებმა მომავალი ასპარეზობისთვის მაღალი დონის მომზადება გაიარონ.
შეხვედრას ასევე ესწრებოდნენ სახელმწიფო რწმუნებულის მოადგილეები, მუნიციპალიტეტების ხელმძღვანელები და საქართველოს ოლიმპიური კომიტეტის წარმომადგენელი.