ქურდობა თბილისში – ბინიდან 10 000 ლარის ტექნიკა და ნივთები მოპარეს

თბილისში ბინიდან 10 000 ლარის საყოფაცხოვრებო ტექნიკა და ნივთები მოიპარეს. დაკავებულია ქურდობის ბრალდებით წარსულში ნასამართლევი – 1997 წელს დაბადებული პირი. გამოძიებით დადგინდა, რომ ბრალდებულმა თბილისში ერთ-ერთი მოქალაქის კუთვნილ ბინაში უკანონოდ შეაღწია და მართლსაწინააღმდეგოდ დაეუფლა თანხას, საყოფაცხოვრებო ტექნიკასა და ნივთებს, რომლის ღირებულება ჯამში 10 000 ლარი შეადგინა. პოლიციის მიერ ამოღებულია ნაქურდალი ნივთების ნაწილი. გამოძიება სისხლის სამართლის კოდექსის 177-ე მუხლით მიმდინარეობს, რაც 10 წლამდე ვადით თავისუფლების აღკვეთას ითვალისწინებს. The post ქურდობა თბილისში – ბინიდან 10 000 ლარის ტექნიკა და ნივთები მოპარეს appeared first on მედიაცენტრი მთავარი - MTAVARI.