ცნობასაქართველოს შინაგან საქმეთა სამინისტროს სასაზღვრო პოლიციის თანამშრომლებმა ბათუმში უცხო ქვეყნის ორი მოქალაქე დააკავეს საქართველოს სახელმწიფო საზღვრის უკანონოდ გადმოკვეთის ფაქტზე.
გამოძიებით დადგინდა, რომ 1993 წელს დაბადებულმა ბ.თ.-მ სატვირთო ავტომანქანაში დამალვის გზით, ხოლო 2000 წელს დაბადებულმა გ.ი.-მ სასაზღვრო-საკონტროლო გამტარი პუნქტის გვერდის ავლით, თურქეთიდან უკანონოდ გადმოკვეთეს საქართველოს სახელმწიფო საზღვარი.
ასევე გაირკვა, რომ ორივე პირი თურქეთის სამართალდამცავი ორგანოების მიერ საერთაშორისო დონეზე, ე.წ. „წითელი ცირკულარით“ იძებნებოდა.
საქმეზე გამოძიება მიმდინარეობს საქართველოს სისხლის სამართლის კოდექსის 344-ე მუხლის პირველი ნაწილით, ხოლო დაკავებულების მიმართ კანონით გათვალისწინებული საექსტრადაციო პროცედურები ტარდება.