გომის მთაზე მომხდარი ავტოსაგზაო შემთხვევის საქმეზე, რომელსაც 4 ადამიანი ემსხვერპლა და 17 დაშავდა, მიკროავტობუსის მძღოლი დააკავეს.
როგორც შინაგან საქმეთა სამინისტროში აცხადებენ , ავტოსაგზაო შემთხვევის შედეგად დაზიანებები მძღოლმაც მიიღო, ის კლინიკაში ბადრაგთა მეთვალყურეობის ქვეშ იმყოფება, გაწერის შემდეგ კი შესაბამის დაწესებულებაში გადაიყვანენ.
საქმეზე გამოძიება საქართველოს სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია. ცნობისთვის, 12 აგვისტსოს, გომის მთაზე ავტოსაგზაო შემთხვევას ოთხი ადამიანი ემსხვერპლა. შსს-ს ცნობით, სამგზავრო მიკროავტობუსი გომის მთიდან ოზურგეთის მიმართულებით მიდიოდა და გზიდან გადავარდა. დაღუპულები უცხო ქვეყნის მოქალაქეები არიან.
The post გომის მთაზე მომხდარი ავარიის საქმეზე მიკროავტობუსის მძღოლი დააკავეს appeared first on ODISHINEWS.